Click 👇 to read complete story

ﻣﯿﮟ ﺑﭽﻮﮞ ﮐﻮ ﮐﻤﭙﯿﻮﭨﺮ ﭘﺮ ﮔﯿﻢ ﮐﮭﯿﻠﻨﺎ ﺳﮑﮭﺎ ﺭﮨﺎ ﺗﮭﺎ ﮐﮧ ﺑﺎﮨﺮ ﺑﯿﻞ ﺑﺠﯽ۔ ﮐﺎﻓﯽ ﺩﯾﺮ ﮐﮯ ﺑﻌﺪ ﺩﻭﺳﺮﯼ ﺑﯿﻞ ﮨﻮﺋﯽ ﺗﻮ ﻣﯿﮟ ﻧﮯ ﺟﺎ ﮐﺮ ﺩﻭﺭﺍﺯﮦ ﮐﮭﻮﻻ۔ ﺳﺎﻣﻨﮯ ﻣﯿﺮﯼ ﮨﯽ ﻋﻤﺮ ﮐﮯ ﺍﯾﮏ ﺻﺎﺣﺐ ﮐﮭﮍﮮ ﺗﮭﮯ۔
…” ﺍﻟﺴﻼﻡ ﻋﻠﯿﮑﻢ ۔۔۔۔ “!
ﺍﻧﮩﻮﮞ ﻧﮯ ﻧﮩﺎﯾﺖ ﻣﮩﺬﺏ ﺍﻧﺪﺍﺯ ﻣﯿﮟ ﺳﻼﻡ ﮐﯿﺎ۔ ﭘﮩﻠﮯ ﺗﻮ ﻣﯿﺮﮮ ﺫﮨﻦ ﻣﯿﮟ ﺧﯿﺎﻝ ﮔﺰﺭﺍ ﯾﮧ ﮐﻮﺋﯽ ﭼﻨﺪﮦ ﻭﻏﯿﺮﮦ ﻟﯿﻨﮯ ﻭﺍﻟﮯ ﮨﯿﮟ۔ ﺍﻥ ﮐﮯ ﭼﮩﺮﮮ ﭘﺮ ﺩﺍﮌﮬﯽ ﺧﻮﺏ ﺳﺞ ﺭﮨﯽ ﺗﮭﯽ، ﺍﻭﺭ ﻟﺒﺎﺱ ﺳﮯ ﻭﮦ ﭼﻨﺪﮦ ﻣﺎﻧﮕﻨﮯ ﻭﺍﻟﮯ ﮨﺮ ﮔﺰ ﻧﮩﯿﮟ ﻟﮓ ﺭﮨﮯ ﺗﮭﮯ۔
” ﺟﯽ ﻓﺮﻣﺎﯾﺌﮯ ” ، ﻣﯿﮟ ﻧﮯ ﭘﻮﭼﮭﺎ۔
” ﺁﭖ ﻃﺎﮨﺮ ﺻﺎﺣﺐ ﮨﯿﮟ؟ ”
’’ ﺟﯽ ‘‘ ﻣﯿﮟ ﻧﮯ ﻣﺨﺘﺼﺮ ﺟﻮﺍﺏ ﺩﯾﺎ۔
” ﻭﮦ ﻣﺠﮭﮯ ﺭﻓﯿﻖ ﺻﺎﺣﺐ ﻧﮯ ﺑﮭﯿﺠﺎ ﮨﮯ۔ ﻏﺎﻟﺒﺎً ﺁﭖ ﮐﻮ ﮐﺮﺍﺋﮯ ﺩﺍﺭ ﮐﯽ ﺿﺮﻭﺭﺕ ﮨﮯ۔ ”
ﮨﺎﮞ ﮨﺎﮞ۔۔۔ !
” ﻣﺠﮭﮯ ﺍﭼﺎﻧﮏ ﯾﺎﺩ ﺁﯾﺎ ﮐﮧ ﻣﯿﮟ ﻧﮯ ﺩﻓﺘﺮ ﮐﮯ ﺍﯾﮏ ﺳﺎﺗﮭﯽ ﮐﻮ ﺑﺘﺎﯾﺎ ﺗﮭﺎ ﮐﮧ ﻣﯿﮟ ﻧﮯ ﺍﭘﻨﮯ ﮔﮭﺮ ﮐﺎ ﺍﻭﭘﺮ ﻭﺍﻻ ﭘﻮﺭﺷﻦ ﮐﺮﺍﺋﮯ ﭘﺮ ﺩﯾﻨﺎ ﮨﮯ ﺍﮔﺮ ﮐﻮﺋﯽ ﻧﯿﮏ ﺍﻭﺭ ﭼﮭﻮﭨﯽ ﺳﯽ ﻓﯿﻤﻠﯽ ﺍﺱ ﮐﯽ ﻧﻈﺮ ﻣﯿﮟ ﮨﻮ ﺗﻮ ﺑﺘﺎﺋﮯ۔ ﮐﯿﻮﻧﮑﮧ ﺩﻓﺘﺮ ﮐﯽ ﺗﻨﺨﻮﺍﮦ ﺳﮯ ﺧﺮﭼﮯ ﭘﻮﺭﮮ ﻧﮩﯿﮟ ﮨﻮﺗﮯ۔ ﻣﺠﮭﮯ ﺍﻓﺴﻮﺱ ﮨﻮﺍ ﮐﮧ ﻣﯿﮟ ﻧﮯ ﺍﺗﻨﯽ ﺩﮬﻮﭖ ﻣﯿﮟ ﮐﺎﻓﯽ ﺩﯾﺮ ﺍﺳﮯ ﺑﺎﮨﺮ ﮐﮭﮍﺍ ﺭﮐﮭﺎ۔ ”
ﺍﺳﮯ ﭼﮫ ﻣﺎﮦ ﮐﮯ ﻟﯿﮯ ﻣﮑﺎﻥ ﮐﺮﺍﺋﮯ ﭘﺮ ﭼﺎﮨﯿﮯ ﺗﮭﺎ۔ ﮐﯿﻮﻧﮑﮧ ﺍﭘﻨﺎ ﻣﮑﺎﻥ ﻭﮦ ﮔﺮﺍ ﮐﺮ ﺩﻭﺑﺎﺭﮦ ﺗﻌﻤﯿﺮ ﮐﺮﻭﺍ ﺭﮨﮯ ﺗﮭﮯ۔ ﻣﯿﮟ ﻧﮯ ﺗﯿﻦ ﮨﺰﺍﺭ ﮐﺮﺍﯾﮧ ﺑﺘﺎﯾﺎ۔ ﻟﯿﮑﻦ ﺑﺎﺕ ﺩﻭ ﮨﺰﺍﺭ ﭘﺮ ﭘﮑﯽ ﮨﻮ ﮔﺌﯽ۔
ﻭﮦ ﭼﻼ ﮔﯿﺎ ﺗﻮ ﻣﺠﮭﮯ ﺍﻓﺴﻮﺱ ﮨﻮﻧﮯ ﻟﮕﺎ ﮐﮧ ﮐﺮﺍﯾﮧ ﮐﭽﮫ ﮐﻢ ﮨﮯ۔ ﮔﻮ ﺍﻭﭘﺮ ﺻﺮﻑ ﺍﯾﮏ ﭼﮭﻮﭨﺎ ﺳﺎ ﮐﻤﺮﮦ، ﮐﭽﻦ ﺍﻭﺭ ﺑﺎﺗﮫ ﺭﻭﻡ ﺗﮭﺎ۔
ﻣﺠﮭﮯ ﺍﭘﻨﯽ ﺑﯿﻮﯼ ﮐﺎ ﺩﮬﮍﮐﺎ ﻟﮕﺎ ﮨﻮﺍ ﺗﮭﺎ ﮐﮧ ﺍﺳﮯ ﻣﻌﻠﻮﻡ ﮨﻮ ﮔﺎ ﺗﻮ ﮐﺘﻨﺎ ﺟﮭﮕﮍﺍ ﮨﻮﮔﺎ۔ ﺍﻭﺭ ﻭﮨﯽ ﮨﻮﺍ۔ ﺑﻘﻮﻝ ﺍﺱ ﮐﮯ ﺩﻭ ﮨﺰﺍﺭ ﺗﻮ ﺻﺮﻑ ﺑﭽﻮﮞ ﮐﯽ ﻓﯿﺲ ﮨﮯ۔ ﻣﺠﮭﮯ ﺍﺱ ﻧﮯ ﮐﺎﻓﯽ ﺑﺮﺍ ﺑﮭﻼ ﮐﮩﺎ ﺍﻭﺭ ﻣﯿﮟ ﭼﭗ ﭼﺎﭖ ﺳﻨﺘﺎ ﺭﮨﺎ، ﺍﻭﺭ ﺍﭘﻨﯽ ﻗﺴﻤﺖ ﮐﻮ ﮐﻮﺳﺘﺎ ﺭﮨﺎ ۔
ﻣﯿﮟ ﻧﮯ ﺍﯾﻢ ﺍﯾﺲ ﺳﯽ ﺑﮩﺖ ﺍﭼﮭﮯ ﻧﻤﺒﺮﻭﮞ ﺳﮯ ﮐﯿﺎ ﺗﮭﺎ۔ ﺍﺱ ﻟﯿﮯ ﻓﻮﺭﺍً ﻧﻮﮐﺮﯼ ﻣﻞ ﮔﺌﯽ، ﻧﻮﮐﺮﯼ ﻣﻠﯽ ﺗﻮ ﺷﺎﺩﯼ ﺑﮭﯽ ﻓﻮﺭﺍً ﮨﻮ ﮔﺌﯽ۔
ﻣﯿﺮﯼ ﺑﯿﻮﯼ ﺑﮭﯽ ﺑﮩﺖ ﭘﮍﮬﯽ ﻟﮑﮭﯽ ﺗﮭﯽ۔ ﻭﮦ ﺑﮭﯽ ﺍﯾﮏ ﺍﻧﮕﺮﯾﺰﯼ ﺍﺳﮑﻮﻝ ﻣﯿﮟ ﭘﮍﮬﺎﺗﯽ ﺗﮭﯽ، ﮨﻤﺎﺭﮮ ﺗﯿﻦ ﺑﭽﮯ ﺗﮭﮯ۔ ﻣﮕﺮ ﮔﺰﺍﺭﺍ ﻣﺸﮑﻞ ﺳﮯ ﮨﻮﺗﺎ ﺗﮭﺎ۔
ﺍﮔﻠﮯ ﮨﯽ ﺩﻥ ﻭﮦ ﺻﺎﺣﺐ ﺍﻭﺭ ﺍﻥ ﮐﮯ ﺑﯿﻮﯼ ﺑﭽﮯ ﮨﻤﺎﺭﮮ ﮔﮭﺮ ﺷﻔﭧ ﮨﻮﮔﺌﮯ۔ ﺍﻥ ﮐﯽ ﺑﯿﻮﯼ ﻧﮯ ﻣﮑﻤﻞ ﺷﺮﻋﯽ ﭘﺮﺩﮦ ﮐﯿﺎ ﮨﻮﺍ ﺗﮭﺎ۔ ﺩﻭﻧﻮﮞ ﺑﮍﮮ ﺑﭽﮯ ﺑﮩﺖ ﮨﯽ ﻣﮩﺬﺏ ﺍﻭﺭ ﺧﻮﺑﺼﻮﺭﺕ ﺗﮭﮯ۔ ﭼﮭﻮﭨﺎ ﮔﻮﺩ ﻣﯿﮟ ﺗﮭﺎ۔
ﮐﭽﮫ ﺩﻧﻮﮞ ﺑﻌﺪ ﺍﯾﮏ ﺩﻥ ﻣﯿﮟ ﺩﻓﺘﺮ ﺳﮯ ﺁﯾﺎ ﺗﻮ ﻣﯿﺮﯼ ﺑﯿﻮﯼ ﻧﮯ ﺑﺘﺎﯾﺎ ﮐﮧ ﻣﯿﮟ ﻧﮯ ﺑﭽﻮﮞ ﮐﻮ ﮐﺮﺍﺋﮯ ﺩﺍﺭ ﺧﺎﺗﻮﻥ ﺳﮯ ﻗﺮﺁﻥ ﻣﺠﯿﺪ ﭘﮍﮬﻨﮯ ﮐﮯ ﻟﯿﮯ ﺑﮭﯿﺞ ﺩﯾﺎ ﮨﮯ۔ ﺍﭼﮭﺎ ﭘﮍﮬﺎﺗﯽ ﮨﯿﮟ، ﺍﻥ ﮐﮯ ﺍﭘﻨﮯ ﺑﭽﮯ ﺍﺗﻨﯽ ﺧﻮﺑﺼﻮﺭﺕ ﺗﻼﻭﺕ ﮐﺮﺗﮯ ﮨﯿﮟ۔
ﻣﺰﯾﺪ ﮐﭽﮫ ﺩﻥ ﺑﻌﺪ ﺟﺐ ﻣﯿﮟ ﻧﮯ ﺍﻥ ﮐﮯ ﺍﯾﮏ ﺑﯿﭩﮯ ﺳﮯ ﺗﻼﻭﺕ ﺳﻨﯽ ﺗﻮ ﭘﮩﻠﯽ ﻣﺮﺗﺒﮧ ﻣﯿﺮﮮ ﺩﻝ ﻣﯿﮟ ﺧﻮﺍﮨﺶ ﺍﺑﮭﺮﯼ ﮐﮧ ﮐﺎﺵ ﮨﻤﺎﺭﮮ ﺑﭽﮯ ﺑﮭﯽ ﺍﺗﻨﺎ ﺍﭼﮭﺎ ﻗﺮﺁﻥ ﻣﺠﯿﺪ ﭘﮍﮬﯿﮟ۔
ﺍﯾﮏ ﺩﻥ ﻣﯿﮟ ﺑﺎﮨﺮ ﺟﺎﻧﮯ ﻟﮕﺎ ﺗﻮ ﺍﭘﻨﯽ ﺑﯿﻮﯼ ﺳﮯ ﭘﻮﭼﮫ ﮨﯽ ﻟﯿﺎ ﮐﮧ ﻭﮦ ﭘﺎﺭﻟﺮ ﺟﺎﺋﮯ ﮔﯽ ﺗﻮ ﻟﯿﺘﺎ ﭼﻠﻮﮞ۔ ﮐﯿﻮﻧﮑﮧ ﭘﮩﻠﮯ ﺗﻮ ﺩﻭ ﻣﮩﯿﻨﮯ ﻣﯿﮟ ﺗﯿﻦ ﭼﺎﺭ ﻣﺮﺗﺒﮧ ﭘﺎﺭﻟﺮ ﺟﺎﺗﯽ ﺗﮭﯽ ﺍﻭﺭ ﺍﺱ ﻣﮩﯿﻨﮯ ﻣﯿﮟ ﺍﯾﮏ ﺑﺎﺭ ﺑﮭﯽ ﻧﮩﯿﮟ ﮔﺌﯽ ﺗﮭﯽ۔
ﺍﺱ ﻧﮯ ﺟﻮﺍﺏ ﺩﯾﺎ ﮐﮧ ﭘﺎﺭﻟﺮ ﻓﻀﻮﻝ ﺧﺮﭼﯽ ﮨﮯ۔ ﺟﺘﻨﯽ ﺧﻮﺑﺼﻮﺭﺗﯽ ﭼﮩﺮﮮ ﭘﺮ ﭘﺎﻧﭻ ﺑﺎﺭ ﻭﺿﻮ ﮐﺮﻧﮯ،ﻧﻤﺎﺯ ﺍﻭﺭ ﺗﻼﻭﺕ ﺳﮯ ﺁﺗﯽ ﮨﮯ ﮐﺴﯽ ﭼﯿﺰ ﺳﮯ ﻧﮩﯿﮟ ﺁﺗﯽ۔ ﺍﮔﺮ ﺯﯾﺎﺩﮦ ﺿﺮﻭﺭﺕ ﮨﻮ ﺗﻮ ﮔﮭﺮﯾﻠﻮ ﺍﺳﺘﻌﻤﺎﻝ ﮐﯽ ﭼﯿﺰﻭﮞ ﺳﮯ ﮨﯽ ﭼﮩﺮﮮ ﭘﺮ ﻧﮑﮭﺎﺭ ﺭﮨﺘﺎ ﮨﮯ۔
ﺍﯾﮏ ﺭﻭﺯ ﻣﯿﮟ ﮐﯿﺒﻞ ﭘﺮ ﮈﺭﺍﻣﮧ ﺩﯾﮑﮫ ﺭﮨﺎ ﺗﮭﺎ ﺗﻮ ﻣﯿﺮﮮ ﭼﮭﻮﭨﮯ ﺑﯿﭩﮯ ﻧﮯ ﻣﺠﮭﮯ ﺑﻐﯿﺮ ﭘﻮﭼﮭﮯ ﭨﯽ ﻭﯼ ﺑﻨﺪ ﮐﺮ ﺩﯾﺎ ﺍﻭﺭ ﻣﯿﺮﮮ ﭘﺎﺱ ﺁ ﮐﺮ ﺑﯿﭩﮫ ﮔﯿﺎ۔
” ﺑﺎﺑﺎ ﯾﮧ ﺑﯿﮑﺎﺭ ﻣﺸﻐﻠﮧ ﮨﮯ۔ ﻣﯿﮟ ﺁﭖ ﮐﻮ ﺍﭘﻨﮯ ﻧﺒﯽ ﺣﻀﺮﺕ ﻣﺤﻤﺪ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﮐﺎ ﺍﯾﮏ ﻭﺍﻗﻌﮧ ﺳﻨﺎﺅﮞ۔ ”
ﻣﺠﮭﮯ ﻏﺼﮧ ﺗﻮ ﺑﮩﺖ ﺁﯾﺎ ﻟﯿﮑﻦ ﺍﭘﻨﮯ ﺑﯿﭩﮯ ﮐﯽ ﺯﺑﺎﻧﯽ ﺟﺐ ﻭﺍﻗﻌﮧ ﺳﻨﺎ ﺗﻮ ﻣﯿﺮﺍ ﺩﻝ ﺑﮭﺮ ﺁﯾﺎ۔
” ﯾﮧ ﺗﻤﮩﯿﮟ ﮐﺲ ﻧﮯ ﺑﺘﺎﯾﺎ ” ، ﻣﯿﮟ ﻧﮯ ﭘﻮﭼﮭﺎ۔
” ﮨﻤﺎﺭﯼ ﺍﺳﺘﺎﻧﯽ ﻣﺤﺘﺮﻣﮧ ﻧﮯ۔۔۔ ﻭﮦ ﻗﺮﺁﻥ ﻣﺠﯿﺪ ﭘﮍﮬﺎﻧﮯ ﮐﮯ ﺑﻌﺪ ﺁﭖ ﺻﻠﯽ ﺍﻟﻠﮧ ﻋﻠﯿﮧ ﻭﺳﻠﻢ ﺍﻭﺭ ﺻﺤﺎﺑﮧ ﮐﺮﺍﻡ ﮐﮯ ﻣﺘﻌﻠﻖ ﺑﺘﺎﺗﯽ ﮨﯿﮟ۔ ”
ﺍﭘﻨﮯ ﮔﮭﺮ ﮐﯽ ﺍﻭﺭ ﺑﯿﻮﯼ ﺑﭽﻮﮞ ﮐﯽ ﺗﯿﺰﯼ ﺳﮯ ﺑﺪﻟﺘﯽ ﺣﺎﻟﺖ ﺩﯾﮑﮫ ﮐﺮ ﻣﯿﮟ ﺣﯿﺮﺍﻥ ﮨﻮ ﺭﮨﺎ ﺗﮭﺎ ﮐﮧ ﺍﯾﮏ ﺭﻭﺯ ﺑﯿﻮﯼ ﻧﮯ ﮐﮩﺎ ﮐﮧ ﮐﯿﺒﻞ ﮐﭩﻮﺍﺩﯾﮟ۔ ﮐﻮﺋﯽ ﻧﮩﯿﮟ ﺩﯾﮑﮭﺘﺎ ﺍﻭﺭ ﻭﯾﺴﮯ ﺑﮭﯽ ﻓﻀﻮﻝ ﺧﺮﭼﯽ ﺍﻭﺭ ﺍﻭﭘﺮ ﺳﮯ ﮔﻨﺎﮦ ﮨﮯ۔
ﭼﻨﺪ ﺭﻭﺯ ﺑﻌﺪ ﺑﯿﻮﯼ ﻧﮯ ﺷﺎﭘﻨﮓ ﭘﺮ ﺟﺎﻧﮯ ﮐﻮ ﮐﮩﺎ ﺗﻮ ﻣﯿﮟ ﺑﺨﻮﺷﯽ ﺗﯿﺎﺭ ﮨﻮ ﮔﯿﺎ، ﺍﺱ ﻧﮯ ﮐﺎﻓﯽ ﺩﻧﻮﮞ ﺑﻌﺪ ﺷﺎﭘﻨﮓ ﮐﺎ ﮐﮩﺎ ﺗﮭﺎ ﻭﺭﻧﮧ ﭘﮩﻠﮯ ﺗﻮ ﺁﺋﮯ ﺩﻥ ﺑﺎﺯﺍﺭ ﺟﺎﻧﺎ ﺭﮨﺘﺎ ﺗﮭﺎ۔
” ﮐﯿﺎ ﺧﺮﯾﺪﻧﺎ ﮨﮯ؟ ” ، ﻣﯿﮟ ﻧﮯ ﭘﻮﭼﮭﺎ۔
’’ ﺑﺮﻗﻌﮧ۔۔۔۔۔ ‘‘!!
ﮐﯿﺎ؟؟
ﻣﯿﮟ ﮨﻨﺴﺎ ﺗﻮ ﻭﮦ ﺑﻮﻟﯽ،
’’ ﭘﮩﻠﮯ ﻣﯿﮟ ﮐﺘﻨﮯ ﮨﯽ ﻏﯿﺮ ﺷﺮﻋﯽ ﮐﺎﻡ ﮐﺮﺗﯽ ﺗﮭﯽ، ﺁﭖ ﻧﮯ ﮐﺒﮭﯽ ﻣﺬﺍﻕ ﻧﮩﯿﮟ ﺍﮌﺍﯾﺎ ﺗﮭﺎ، ﺍﺏ ﺍﭼﮭﺎ ﮐﺎﻡ ﮐﺮﻧﺎ ﭼﺎﮨﺘﯽ ﮨﻮﮞ ﺗﻮ ﺁﭖ ﮐﻮ ﻣﺬﺍﻕ ﺳﻮﺟﮫ ﺭﮨﺎ ﮨﮯ۔ ‘‘
ﻣﯿﮟ ﮐﭽﮫ ﻧﮧ ﺑﻮﻻ۔
ﭘﮭﺮ ﭼﻨﺪ ﺩﻥ ﺑﻌﺪ ﺍﺱ ﻧﮯ ﻣﺠﮭﮯ ﮐﺎﻓﯽ ﺳﺎﺭﮮ ﭘﯿﺴﮯ ﺩﯾﺌﮯ ﺍﻭﺭ ﮐﮩﺎ ﻓﺮﯾﺞ ﮐﯽ ﺑﺎﻗﯽ ﻗﯿﻤﺖ ﺍﺩﺍ ﮐﺮ ﺩﯾﮟ۔ ﺗﺎﮐﮧ ﻣﺰﯾﺪ ﻗﺴﻄﯿﮟ ﻧﮧ ﺩﯾﻨﯽ ﭘﮍﯾﮟ۔
” ﺍﺗﻨﮯ ﺭﻭﭘﻮﮞ ﮐﯽ ﺑﭽﺖ ﮐﯿﺴﮯ ﮨﻮﮔﺌﯽ؟ ”
” ﺑﺲ ﮨﻮ ﮔﺌﯽ ” ، ﻭﮦ ﻣﺴﮑﺮﺍﺋﯽ
” ﺟﺐ ﺍﻧﺴﺎﻥ ﺍﻟﻠﮧ ﮐﮯ ﺑﺘﺎﺋﮯ ﮨﻮﺋﮯ ﺍﺣﮑﺎﻡ ﭘﺮ ﭼﻠﻨﮯ ﻟﮕﮯ ﺗﻮ ﺑﺮﮐﺖ ﺧﻮﺩ ﺑﺨﻮﺩ ﮨﻮ ﺟﺎﺗﯽ ﮨﮯ۔ﯾﮧ ﺑﮭﯽ ﻭﮦ ﮐﺮﺍﺋﮯ ﺩﺍﺭ ﺧﺎﺗﻮﻥ ﺑﺘﺎﯾﺎ ﮨﮯ ‘‘
ﺳﮑﻮﻥ ﻣﯿﺮﮮ ﺍﻧﺪﺭ ﺗﮏ ﭘﮭﯿﻞ ﮔﯿﺎ۔ﻣﯿﺮﯼ ﺑﯿﻮﯼ ﺍﺏ ﻧﮧ ﻣﺠﮫ ﺳﮯ ﮐﺒﮭﯽ ﻟﮍﯼ، ﻧﮧ ﺷﮑﺎﯾﺖ ﮐﯽ۔ ﺑﭽﻮﮞ ﮐﻮ ﻭﮦ ﮔﮭﺮ ﻣﯿﮟ ﭘﮍﮬﺎ ﺩﯾﺘﯽ ﮨﮯ۔ ﺧﻮﺩ ﺑﭽﻮﮞ ﮐﮯ ﺳﺎﺗﮫ ﻗﺮﺁﻥ ﻣﺠﯿﺪ ﺗﺠﻮﯾﺪ ﺳﮯ ﭘﮍﮬﻨﺎ ﺳﯿﮑﮫ ﺭﮨﯽ ﺗﮭﯽ، ﻭﮦ ﺧﻮﺩ ﻧﻤﺎﺯ ﭘﮍﮬﻨﮯ ﻟﮕﯽ ﺗﮭﯽ، ﺍﻭﺭ ﺑﭽﻮﮞ ﮐﻮ ﺳﺨﺘﯽ ﺳﮯ ﻧﻤﺎﺯ ﭘﮍﮬﻨﮯ ﺑﮭﯿﺠﺘﯽ۔
ﻣﺠﮭﮯ ﺍﺣﺴﺎﺱ ﮨﻮﻧﮯ ﻟﮕﺎ ﮐﮧ ﻧﺠﺎﺕ ﮐﺎ ﺭﺍﺳﺘﮧ ﮨﯽ ﺗﻮ ﮨﮯ۔ ﭘﯿﺴﮧ ﺍﻭﺭ ﺁﺭﺍﺋﺶ ﺳﮑﻮﻥ ﻧﮩﯿﮟ ﺩﯾﺘﺎ۔ ﺍﻃﻤﯿﻨﺎﻥ ﺗﻮ ﺑﺲ ﺍﻟﻠﮧ ﮐﯽ ﯾﺎﺩ ﻣﯿﮟ ﮨﮯ۔
ﻣﺠﮭﮯ ﺍﺱ ﺩﻥ ﺩﻭ ﮨﺰﺍﺭ ﮐﺮﺍﯾﮧ ﺗﮭﻮﮌﺍ ﻟﮓ ﺭﮨﺎ ﺗﮭﺎ، ﺁﺝ ﺳﻮﭼﺘﺎ ﮨﻮﮞ ﺗﻮ ﻟﮕﺘﺎ ﮨﮯ ﮐﮧ ﻭﮦ ﺗﻮ ﺍﺗﻨﺎ ﺯﯾﺎﺩﮦ ﺗﮭﺎ ﮐﮧ ﺁﺝ ﻣﯿﺮﺍ ﮔﮭﺮ ﺳﮑﻮﻥ ﺳﮯ
ﺑﮭﺮ ﮔﯿﺎ ﮨﮯ۔